top of page

Jane Ng - 眼底下的 Alternatif

做左先講嘅衝勁真係無乜人有,因為人通常都係得個講字,但有好多野諗到就真係要做,如果唔係永遠唔知 work 唔 work。紙上談兵談何容易,機會到來係唔會等人!


Jane Ng 就係一直都秉承住 Alternatif 理念和所學到嘅工藝, 開始左佢嘅時裝設計之路...


當初 Jane Ng 係咩情況下入行?

而 Alternatif 又係點樣一間 Workshop?

Workshop 同我地認知傳統學院, 又會有咩分別?

今篇我會請 Jane 同大家分享一下! 修讀時裝設計同學就要留意一下!

Image from fairynoise.com


Designer Talk


Jane Ng - 如果俾我做 ... 我會點做 ?

Stella: 我哋想知道, 當初點解要揀時裝設計?

Jane: 當初係鐘意時裝,所以平時都會睇下雜誌/runway去了解當下潮流。初頭根本無諗過從事設計,不過留意越來越多的時候就有個想法,如果俾我做我會點做! 所以我當時覺得不如將'鐘意' 昇華到一個層次,就係去另一個想造衫嘅階段。比起現狀不滿,某程度上我覺得係想將一些作品的細節, 轉成自己喜歡的元素.

Images from phenotypsetter.com


Stella: 我知道妳修讀時裝設計, 係Workshop 而非一般學院, 係咩驅使你進入 Alternatif workshop?

Jane: 我係已經出社會工作後先想去讀時裝設計,一開始係讀其他為期一年嘅 Part time course, 一星期兩堂。完成後我想再進修, 正考慮其他課程嘅時候,導師們就推薦Alternatif workshop。


Alternatif 由陳仲輝(Silvio Chan)於2002年創辦,以師徒方式親授時裝相關知識。


Stella: Alternatif 跟學院有咩分別?

Jane: Alternatif 係一間 Workshop, 好多課題係即刻落手做,唔會留於搵資料畫下圖,基本技能會教,但更偏向於落手實踐,比大家係過程中摸索,發掘。Alternatif 認為衫係立體的,非平面可呈現,最終係要有成品。落手實踐比率相比其他學院比例上會比較重,學院會較循序漸進,畫圖、mood board、搜集、用色先再做 ; 相反Alternatif 畫 sketch 嘅時間會縮短,省略一啲 detail,sketch 只係俾對方大概知道概念,最重要係做出黎。畫始終係2D同有限制,強調係做嘅同時再搵其它可能性,就好似 lego 係要即時創作,唔會畫圖之後先砌,圖只係 drop 低 idea 。


Stella: 可以簡單形容一下 Alternatif Workshop?

Jane: Alternatif Workshop 係一個 24hrs 工作室,係一個可以盡情發揮嘅平台。學習兩年期間,創作係無間斷,當有靈感嘅時候隨時可以去嘅地方。創作亦唔係空談,着重係成果。Alternatif 隔幾個月會有一個 project 去 present 自己嘅作品,亦會租一個地方做mini show。希望我地學到表達方式都好重要,藉此累積經驗。有別於其他傳統學院嘅教學模式,Alternatif 會相對比較全面。而 Silvio 係思維方式上有好多 input,例如應該係邊個方向切入,Silvio 傳授嘅技術知識等都學到好多。


Jane 貫徹 Alternatif 嘅宗旨同理念,選址 PMQ 成立 phenotypsetter,而到呢一刻又 work 唔 work,我地下篇再續。


Jane Ng - PMQ 手工 DIY 印花圖案工作室

唔好走住, 仲有彩蛋, Jane Ng 呢一年, 對於手工 DIY 印花圖案著迷, 仲開班教授, 有興趣不妨去 Workshop 參與又可以培養另類興趣, 再唔係, 親手印翻幾件送比 Lover 當節日禮物都幾有心思!






最新文章

查看全部
bottom of page