有一個想法差不多已積存近10+年, 我每年都會反覆衡量, 究竟今年是否適合去實行!
你或者會問,咩想法咁難實行?
其實相類似係舊時代已經有,只不過隨著時間和經濟模式改變,而停止.
而我想法就相對原有有少少改變.
呢個想法係關於一個標籤.
好多年前, 當時我還是一名初入行出口加工廠營業代表 (即當時'跑腿業務'), 每日工作就係招待客人到訪,跟著客人,在公司辦房東挑西選產品, 然後就按他們意願東改西改, 磨你好幾小時時間, 一批客戶接一批客戶到來, 講真心有時客戶排滿一整天, 從早忙到晚, 真係飯都冇得食.
客戶分兩類,
第一類係 '買手'即係 Buyer 或 Merchandiser, 呢一類還好應付,
通常都係商討價錢貨期等基本問題就搞掂.
另一類就係設計師,
設計師通常係品牌或者百貨企業代表, 跟買手完全不同, 佢地通常會準備設計圖來開會, 小品牌還容易處理, 大品牌設計師就不同, 如果見到佢帶厚厚圖紙代表會有不同項目要商討研究, 圖紙可能包含'季節性系列', '節日系列', 普通日常或特別活動. 當時我主要負責協助來自外國設計師. 亦是從那個時間開始,學懂跟設計師如何協作完成項目. 那段時期,世界經濟非常繁榮,品牌之間競爭非常激烈, 可想而知設計師壓力有幾大. 一位來自英國設計師曾經跟我表達, 系列成功大買老闆賺錢當然有紅利分,相反滯銷就肯定會被問罪,更甚者就飯碗不補.
我當然有同感,做業務跑數係每月計,唔計假期即係只有20多日.
好有'奇洛李維斯'套生死時速感覺.
返回正題,
標籤想法其實都簡單, 因為個位英國設計師一段對話, 後面就啓發我一個想法. 點解只有出名設計師設計產品先比消費者知道, 其他同樣好努力做同樣設計崗位就從來冇人知道, 仲係覺得欠少少同有欠缺. 所以我計劃開始標籤2.0, 希望消費者日後使用產品之餘,亦希望讓消費者能夠多認識產品屬於雖人設計. 計劃有教育之餘, 亦可還設計師一個公平.