撰寫文章的今天, 是即將消失的 2021年12月31日.
唔想寫總結之類文章, 不過, 我仍然要好老土同好感恩要多謝 '2021', 讓我有機會開始實現我理想.
2021 是一個順其自然 x 緣份之年 x 不同媒介 x 不同場合 x 不同設計師朋友 x 不一樣摯友
這一年, 連朋友都話我, 你轉性呀, 咩都輕描淡寫?
確實, 我一改以往處事風格, 戒急進, 一切以平常心, 順其自然去應對事情,
不過就係咁, 令到我有更多空間, 更多時間, 更加細緻, 留意身邊變化 ; 又因為咁, 令我有更多得著 ; 又因為咁, 一年時間又不足夠, 為所有設計師撰寫完成文章. 唉無奈, 不過請放心, 我已經加大撰寫力度, 希望2022年有更多設計師朋友文章出現.
無論是任何形式, 我還是要感謝 2021 你們的 '每一位'
'2022', 人事物, 仍然充滿未知數
可能有人會離開, 亦會有新人加入, 有成功, 相信亦會有失敗 ... 但無論如何,
我 ... 依然會繼續走下去 ... Coz it is a Never Ending Stories! ; 借用 Elia 一句, "有的事情, 只要努力去做, 即使結果未如理想, 還是有得著..."
'2022' 我們將會有更務實項目出現, 正如2021年初首份問卷, 曾表達意向希望參與跨界項目設計師朋友, Jan,2022 將會收到電郵邀請參與首個項目, "設計師理念 x 轉化市場價值", 呈現於市場.
