top of page
  • Dan C

用布料比喻人生 - Joan Lam

Joan Lam 林子殷

HKDI - Hong Kong Fashion Designer


The Best Use of Australian Merino Wool Award

得獎者: 林子殷 Joan Lam

作品: Feeling Very Blue ... BUT 前陣子睇過一篇舊報導, 裡面有一段是這樣寫 ... 睇完好有感受,


能夠用布料比喻人生 ... 是 'Joan Lam' 這位時裝設計師.,


" 牛仔就好似人生咁,每個人嘅路都唔同,被磨練、刮花、弄破都可以有佢獨特嘅效果,有獨一無二嘅美;而針織無牛仔咁受力就好似一啲溫室長大嘅年青人,雖然佢哋比較玻璃心,但磨磨下就慣架喇。"

Images from Joan Lam | Knitwear Innovation & Design Society


對於我這個做銷售, 個人穿衣之道, 就是配搭簡單, 穿得自然舒服就可以.

所以何謂設計, 怎樣才算是高級, 通通唔識, 反正懂的大有人在 ...


我對於牛仔冇特別喜愛, 對於針織亦沒有情意結,

但對 Blue color, 特別是 Navy Blue 就反而有興趣. 之前就特別寫了一篇關於 Navy 顏色, 大家有興趣就睇下 19-3832 的迷思



Designer Talk


香港人精神, 好似牛仔咁, 耐磨, 點洗/點染色都好, 本質都唔會變!

我好想請教一下, 當年參賽作品 Feeling Very Blue ... BUT


Dan: Feeling Very Blue ... BUT. 這樣結尾好似有含義, 可唔可以解說一下?

Joan: 主要都係講香港人精神, 好似牛仔咁,耐磨,點洗 / 點染色都好,本質都唔會變, 而紅色代表被污染對眼 / 被蒙住眼, 能見度有幾低,都依然好清晰好堅定向前行.



Dan: 我常試查找2016 年 Trend, 發現大多談論是偏向淺藍. 但 Feeling Very Blue 系列選擇較深籃色, 是刻意? 還是妳偏愛? (*仲有我想表達一下, 2016年作品系列, 如果今天推出肯定仍有一定市場!)

Joan: indigo係未經過洗水的 (最 pure), 想透過不同的洗效果, 而突顯番呢個世界係存在不同的人, 大家價值觀未必一致,藉著時間的洗禮, 各自都用自己的分別呈現美.



Dan: 作為資深時裝設計師, 係香港做時裝仲有冇市場?

Joan: '有', 香港人而家多左了解香港品牌, 支持本地小店, 不過要成功就要睇彩數, 而好似我地呢啲設計師, 資本上支持唔住, 人物/資源(廠)又認識唔多, 加上未必生產到, 因為量太少, 種種原因所以放棄個人發展呢個想法.


Dan: 我每次都會問設計師一個問題, 大家係香港做時裝有咩困難?

Joan: 時間 / 地點租金 / 資源人物

  • '時間' , 要追好高成本, 樣樣都係錢, 未有資本就去揾係啱, 但可惜大部分設計公司都要成日OT, 都冇幾多自己時間可以做自己設計, 除非本身屋企有錢, 或者屋企唔駛你養,

  • '地點/租金', 就咁講呢兩個字, 我相信大家都好明白, 香港啲租都係好痴線, 一個人一定租唔到studio, 同朋友夾埋一齊設計,理念好難類似.

  • '人物/資源', 香港係一個好現實的地方, 樣樣都講錢, 有錢的就冇時間, 有時間就一定冇錢, 所以要揾到唔打工, 又有資金, 又同自己理念相似係難上加難.


(睇完呢段表白, 相信同路人都心領神會)


Dan: 請問妳有冇特別喜愛設計師?

Joan: Janko Lam, Redispolly


Janko Lam - 新裝如初

Redispolly 陳寶蘭 - 時裝設計師 | Youtuber | 旅遊家


Dan: 啊! 2位都屬於'潮'級別, 妳喜愛2位, 係欣賞哪個方面? 會點樣形容她們?

Joan: Janko 都係敢作敢為的人, 看她的報道才知道她用很少的資金起家, 當然再加上佢對做衫的認知, 人物等, 而令佢可以咁成功 ; Redispolly 係我第一年參加 HKKIDS 認識, 佢係 HKPolyU 我就 HKDI, 對佢唔太咁了解, 但知道佢好鐘意旅行, 又做過 fashion buyer, 之後到而家有自己品牌, 又有好多興趣, 又有好多唔同的人同佢接觸, 可以有好多嘗試.


呢次專訪, 除了讓我對 Joan Lam 有多一重認識之外, 亦對香港現時做時裝環境更加透徹,

Joan Lam 雖然表達了放棄個人發展念頭, 但字裡行間仍讓我感受到她那團火並未真正熄滅, 所以我仍是期待 Joan Lam 回歸那一日.







最新文章

查看全部
bottom of page