Malou Ko
2007 - 2010 HK PolyU (Industrial & Product Design) - First Honor
The Cabinet 的誕生
2005 - Good Hope School - Art Student
2005 Oct - The Cabinet (Founder & Creative)
The Cabinet 成立於 2005 Oct, 不過同年亦都係 Malou 由 德望學校 Form 5 畢業.
計數即係 Form 5 一畢業就成立The Cabinet. 當年甚至還未入 PolyU 修讀工業產品設計課程, 雖然高中讀 'Art', 但對於一位剛剛畢業高中生, 選擇創業這個動作我認為係非常進取 ... 這樣一位猛人, 我特地到 Malou Studio 做訪談,
Malou 給我印象爽朗, 健談, 完全沒架子, 還有一點我是必須點出, 'Humble 謙卑' 應該是訪談中聽到最多一次, 這是一次精彩訪問, 感謝 Malou Ko!
Photo source from The Cabinet Offical Website
Designer Talk
感恩遇上良師 Mr. Alan Lee , 突破舊制升大學途徑
( Malou 表示, Mr. Alan Lee 德望學校教學30多年, 雖然已經離開我地, 不過 Malou 仍然跟佢太太有聯絡, 不時相約見面. )
Danny: 當年升大學普遍困難, 可以分享一下嗎?
Malou: 按當時教育制度, 如果要上大學, 一般要完成 F6/F7, 先夠資格考大學, 當時德望有一位 Art Teacher - Mr. Alan Lee 講解, "如果將來大家想做 Art Designer 或者 Art Teacher, 就唔好讀F6/F7,唔好考A Level, 建議大家去報 Hong Kong Polytechnic 一個 Diploma 課程"
課程係由當時 Hong Kong Polytechnic Campus / Degree Tutor 教學, 呢個 2年制課程, 剛好抵銷 F6/F7 個 2年. 入學門檻亦只需要會考5分不過呢個課程現時已經取消, 而我係最後一界. 完成 Diploma 課程, 跟住就係跟 Non Jupas 條路考上去 Degree, 呢條路係比一般困難, 首先佢競爭係好大, 其他人可能係 A Level, 又或者 High Diploma 上, 所以當時要比其他人更努力. 所有娛樂都要停止, 記憶其實 Diploma 個2年, 比後來 Degree 還要辛苦, 還要大壓力.
*根據 Malou 見解, 當時大學辦呢類型 Diploma 其實好好, 因為可以跟大學裡面師姐師兄同一個Workshop一齊做. 後來取消係因為教育署認為大學唔應該辦一的唔符合大學程度課程, 所以當時呢類型 Diploma都改由HKCEE辦.
Danny: 我相信大家都好有興趣想知道, 點解當年可以有咁既決定, 指Form 5 畢業就創立The Cabinet?
Malou: 當年德望Art會考F5畢業, 基本上未有任何方向, 只不過係持續進修過程時候有一的想法, 就創立 "The Cabinet". 接一的 Job試下 ....
Photo source from The Cabinet Official Website
Danny: 取名 The Cabinet, 係咪有咩意思?
Malou: 我係修讀 Product Design, 咁多原材料裡面我喜歡木, 有特別感覺, 覺得好特別因為木有生命力, 會不停生長, 並非死物,
而你地睇到Website 上面個木櫃, 其實係 PolyU 時, 我係 Workshop 自己親手做首個作品, 世界上只有一個, 大家可能覺得櫃好大, 實情其實好細. 公司取名 The Cabinet, 用意亦係借這個木櫃提醒自己, 呢個就係我原點, 當初點解會讀設計.
The Cabinet 一切從一部電腦開始!
Danny : 有好多人話, 創立一間公司, 能捱到頭三年, 已算係成功, 而 The Cabinet 由創立到今天已經16年多, 肯定係成功之列, 可否分享 The Cabinet 當初是如何渡過這一考驗? 生意又係咪自己做推銷?
Malou : 首先自己冇做推銷, 生意/工作都係 Referral 同教授轉介 ...
The Cabinet 頭三年, 我仲係一名 HK PolyU Diploma 學生, 2年Diploma + 3年Degree, 當時冇乜要考慮, 又唔需要租 Office, 亦冇咩費用, 做Job一部電腦就可以做, 你問我講真要輸, 咪輸部電腦, 不過電腦唔做Job, 其實又可以有其它用途, 所以沒得輸. 而每個月做Job賺幾千蚊就可以養活自己, 所以都唔係好大壓力.
再次感謝佢地每一位, 每次當我要做決定時候, 都會有人提供一些非常關鍵意見比我.
Danny: 你係主修 Industrial & Product Design, 我理解應該主力係產品設計, 但我留意到你網站上, 咁多個多年來 Project, 都係企劃推廣項目佔多, 做產品相關比率較少. 而真正做產品設計, 反而近年先比較多. 點解會有呢個情況, 還是我理解錯 Industrial & Product Design 並唔係純設計產品? 可以分享一下嗎?
Malou: 其實呢個問題,我都要反問自己. 係完成2年Diploma課程之後, 我需要挑選主修那個課程, 我心想選擇 Graphic Design, 因為我喜歡畫公仔, 繪圖, 同好喜歡品牌 Branding.
但當時 Tutor 覺得我畫圖有 3D Sense, 建議不如先讀 Product Design, 因為Tutor 本身係Product Design, 就解說課程裡面都函蓋 2D Design, 又謂將來畢業 Interview, 公司都係睇 Profolio, 表示如果妳的設計好, 佢地唔會介意妳主修那個課程. 仲有 Final Year Tutor 有講過其實 Branding 同 Product Design 又可以 Link-up 到. 工作過程都係涉及剛剛提及 Service / System Design. 個一刻令我有所覺悟, 所以決定選修Product Design.
EVENT BRANDING x EXHIBITION DESIGN x ADVERTISING DESIGN x GRAPHIC DESIGN x EVENT & INTERIOR DESIGN x SOUVENIR DESIGN x MINI CAR BODY DESIGN x CORPORATE IDENTITY x LOGO DESIGN x SOCIAL MEDIA PROMOTION STRATEGY ...
Photo source from The Cabinet Official Website
網站有這樣一段描述: "THE CABINET 由香港設計師 Malou Ko 創立的 多元化 設計工作室。"
Danny: 2005年當年剛剛畢業,是否已立志, The Cabinet 未來一定係做'多元化'?
Malou : '多元' 其實係大學時期, 後來加上去. 我主修 Product Design, 當年課程有教, "Product Design 並非只係設計一件產品, 例如杯,並非只設計一只杯, 而係需要理解杯背後整個制造過程. 從原材料開始考慮, 造是使用本地玻璃或是其他地方玻璃, 要知道材料來源 - 運輸 - 模具制 - 一步一步到最後變成一件成品. 簡單理解就是需要理解和考慮整個事情/系統流程如何發生. 統稱 System Design 或者 Service Design = Multi-discipline design
"我們致力為客戶創作獨特及優質的設計方案。我們相信好的設計和企劃能連繫人們。"
我留意到 The Cabinet 網站, 有列出一百四十 多個 Project,
不同類別
不同形式
不同背景, 有商業, 有團體組織,
不同文化
Danny: 我想問每個Project都涉及不同範疇, 都是妳一個完成? 憑妳個人經驗, 項目要準時完成, 應該特別注意那些事情, 又基本要具備那些元素, 能否分享一下?
Malou: 當然唔會我一個完成, 不過我一定係 Creative Design. 一個Project 涉及咁多範疇, 必須要有不同專業責責, The Cabinet 選擇跟專業團隊長期合作, 因為信任和默契對於我是非常重要, 就好似The Cabinet 客戶群大部份都係 Referral, 長期累積成果, 彼此認識和信任是我非常重要一個考慮.
( 根據 Malou 解說, 團隊多元化好處和重要性, 例如某一年大部份 Project 都涉及某一類題材, 例如動畫制作, 有制作動畫團隊就可以好好安排. 而沒需要為這些情況而煩惱. )
Photo source from The Cabinet Offical Website - OXFAM
Danny: 對於咁多個 Project, 要你選一個難忘, 你會選擇? 為何難忘可以分享一下?
Malou: "真係好難選擇, 要選的話, 我會選樂施會'窮'字, 或者我解說一下, 呢個 Project 屬於每年樂施會'樂施米 Campagin', 而樂施會宗旨"不要將貧窮延續下去", 今次我地提交3個設計, '窮'字是其中一個, 我必須要強調一下, 過往樂施會大多會選用以'相片'做主題, 今次樂施會肯接受用字做主題應該係好破格一次."
( Malou 表示當時發覺呢個'窮'字設計, 好有'窮無盡'感覺, 認為窮人對呢個窮字一定有感受, 為支持設計, Malou 試過比 Intern 同爸爸媽媽睇過, 佢地反應不約而同就係覺得'窮'字真係好窮. 所以就大膽加入讓樂施會評審, 最後破格接受, 當時感覺非常有成就感.)
Danny: 難搞 Project 又有冇?
Malou: 唔 ... 一個關於珠寶 Project, 不過呢個Project 係5年前已開始, Project 其中一部份需要包裝設計, 但當時套珠寶不斷改動, 所以設計過程需要不停配合, 最近套珠寶終於完成, 負責人聯絡時候, 我都差的忘記有呢個Project, 最後花左好多時間搜尋當時設計資料.
Malou 表示因為做品牌 Branding, 做新品牌屬於創造性, 設計時好需要考量到這個品牌/產品如何跟人有聯繫, 只要品牌跟人有共鳴, 品牌就可以深入人心, 品牌成功係非常有滿足感.
Danny: 對於, 藝術 ART ; 企劃推廣 ; 產品設計, 妳比較喜歡邊一項?
Malou: 現時喜歡 Product Design, 我喜歡設計作品能夠跟人互動, 希望觀賞人仕唔單只觀賞, 仲可以觸摸得到, 感受得到. 好似跟香港粵東瓷廠合作一系列瓷碟就係其中一個作品.
設計師應擁有'溝通'的特質
Danny: 近年多左好多人關注本土設計, 作為一位資深設計師, 有一的問題關於 '香港設計師', 妳認為當設計師, 基本應具備那些特質?
Malou: 我個人認為, '與人溝通的特質'
首先我們要明白, 設計師和藝術家分別, 藝術家作品可以好個人, 唔太需要跟人溝通. 但設計師工作受人委託, 擁有與人溝通能力, 就可以透過溝通去了解客戶需要. 而這個能力是可以訓練得到.
#Designer Message
Danny: 妳認為點先算係一位成功設計師?
Malou: 能夠將客人要求'基本達成', 已經算是成功 ; 而能夠在'基本達成再添上更多創造性', 就屬於非常成功.
Danny: 香港現時多左好多設計學院, 妳認為香港設計, 仲有冇發展空間?
Malou: 肯定有, 不過做設計就真係好需要 Passion, 或者咁講, 香港有好多設計師, 不過有需求客戶數量亦佔好多. 一個好簡單道理, 大多客戶因為不懂設計, 先找設計師工作, 當然首要是設計師要有能力, 去了解客戶情況和需要, 再提供一些好建議 / 好設計, 幫助客戶.
'趁年青就應該勇於常試'
Danny: 我遇到好多剛剛畢業設計師, 都好想做獨立發展, 妳有冇咩錦囊比佢地?
Malou: 唔好考慮太多, 緊記自己剛剛畢業, 未有任何實際經驗, 根本未能算一位設計師, 應該抱住謙卑態度, 大膽接受和常試任何考驗和挑戰.
網站有這樣一段: 2020年，我們成立了同名自家設計品牌。在這個超科技年代，我們越依賴電子通訊，就越喪失現實裡與人相處的技巧。我們希望透過產品設計拉近人與人之間的隔膜，讓瘋狂的意念和幽默融入你的日常生活。
Danny: 近年多左好多, 例如 Facebook, Ig, Youtube, Weibo 等等平台湧現, 甚至乎近月更出現一個熱門話題 (NFT 元宇宙), 又多左好多設計軟件出現讓更多人使用. 對於設計師, 呢的科技出現, 是沖擊? 還是好事?
Malou: 我個人覺得好事, 設計軟件多就代表進步, 反映有更多人關注設計, 設計師亦唔需要只有少數選擇. 另外, 平台多就可以讓人知道更多事物, 更多人參與探索.
Photo source from https://fromjapan.info/zh-hant/event-info-about-kashiwasato-exhibition/
Danny: 有冇喜歡設計師? 佢對你有咩特別?
Malou: 佐騰可仕和, 一位平面設計師, 佢設計好簡單, 而厲害地方就正正係設計簡單但能夠帶出表達. 好似 Smap / Uniqlo 都是出自他手筆.
Danny: 對於現時可以比一的心得和經驗年輕人一些建議?
Malou: 或者咁講, 設計師並唔係好特別, 跟其他一樣只係一個職業, 簡單表達就係要認真, 要耐性, 要負責任, 好似洽談 Project, 必須提前做準備, 會前了解客戶和項目背景等等.
Danny : 最後一條問題, 一條假設性問題, 如果時間能夠倒流回到2005年, 妳, 會唔會依然一樣咁去做?
Malou : 如果真係可以從頭開始, 一定有好多改善, 有更多地方可以做得完善的, The Cabinet 相信可以更好.
將來有機會, 會為大家播出足本錄音版